முல்லைத்தீவு மாவட்ட 66 ஆவது இல்லம் பெறுநரிடம் வழங்கி வைக்கப்பட்டுள்ளது

Jeevaootru

August 26, 2022

நிரந்தர வீடு கையளிப்பு, Mullaitivu – முல்லைதீவு

நாட்டின் அசாதாரண சூழ்நிலையின் மத்தியிலும் ஜீவஊற்று அன்பின் கரத்தினர் அன்பின் இல்லங்களை மிக துரிதமாக அமைத்து பயன்பெறும் குடும்பத்தினரிடம் வழங்கி வருகின்றனர். அந்தவகையில்,

இன்றைய நாளிலும் (26.08.2022) அன்பின் இல்லமானது பெறுநரிடம் வழங்கி வைக்கப்பட்டுள்ளது.

இவ் இல்லமானது ஜீவ ஊற்று அன்பின் கரம் அமைப்பினுடைய 66 ஆவது இல்லமும் மக்கள் நல்வாழ்வு மையத்தின் 45 ஆவது இல்லம் என்பதும் குறிப்பிடத்தக்கது.

இந்த இல்லமானது முல்லைத்தீவு மாவட்டத்தில் புதுக்குடியிருப்பு தேவிபுரம் கிராமத்தில் பொருளாதாரத்தில் பின்தங்கிய நிலையில் பல்வேறு இன்னல்களுடன் வாழ்ந்து வருகின்ற குடும்பத்திற்கே வழங்கப்பட்டுள்ளது.

இந்த இல்லத்தினை அமைப்பதற்கு தேவையான நிதி உதவியினை கனடா தேசத்தில் வாழ்கின்றதான சிவா தர்சினி தங்களின் தந்தை அமரர் சிறிராமநாதன் தில்லையம்பலம் என்பவரது ஞாபகார்த்தமாக வழங்கியிருந்தார்.

இவ் இல்லத்தினை அமைத்துக் கொடுப்பதற்கு சகல விதத்திலும் உதவிய அன்பு உறவுகளுக்கு எங்கள் நன்றிகளை தெரிவித்துக் கொள்கிறோம்.

அதேவேளையில் தேவையுள்ளோர் அநேகர் எம் தேசத்தில் வாழ்வதால் உதவும் உள்ளம் படைத்தவர்கள் எம்மை தொடர்பு கொள்ளுமாறு அன்புடன் கேட்டுக் கொள்கின்றோம்.

எமது YouTube தளத்தில் கானொளிகளை பார்வையிட
https://youtube.com/channel/UCvFMUNiNcNSGtHAQP-YsPGA

Email – info@jeevaootru.org
Web. – jeevaootru.org