கிளிநொச்சி மாவட்டத்தில் 83 ஆவது இல்லம் பெறுனரிடம் வழங்கப்பட்டது

Jeevaootru

July 19, 2023

நிரந்தர வீடு கையளிப்பு, Kilinochchi – கிளிநொச்சி

நாட்டு மக்களின் இயல்பு வாழ்க்கை பாதிக்கப்பட்டு வாழ்வதற்கே வழியின்றி தவிக்கின்ற போதிலும் ஜீவ ஊற்று அன்பின் கரம் அமைப்பானது தன்னுடைய உன்னதமான பணிகளை சிறப்பாக செய்து வருகின்றது.

விசேடமாக நிரந்தர வீடின்றி அல்லலுறுகின்ற மக்களிற்கு நிரந்தர வீடுகளை நிர்மாணித்து கொடுத்து வருகின்றமை குறிப்பிடத்தக்கது.

அந்தவகையில் இன்றைய நாளிலும் (19.07.2023) ஜீவ ஊற்று அன்பின் கரத்தின் 83 ஆவது இல்லமும் அதேவேளை மக்கள் நல் வாழ்வு மையத்தின் 67 ஆவது இல்லமும் பயன்பெறும் குடும்பத்தினரிடம் வழங்கி வைக்கப்பட்டுள்ளது.

இவ் இல்மானது கிளிநொச்சி அக்கராயன் பகுதியில் பொருளாதார நிலையில் பின்தங்கிய நிலையிலுள்ள குடும்பத்திற்கே வழங்கப்பட்டுள்ளது.

இதற்கான நிதி உதவியை சுவிற்சர்லாந்து தேசத்தில் வசிக்கின்றதான துஷாந்தன் அவர்கள் அமரத்துவமடைந்த திரு திருமதி துரைசிங்கம் சிவனேஸ்வரி நினைவாக வழங்கியுள்ளார்.

இவ் மகத்தான உதவியினை நல்கிய துஷாந்தன் அவர்களுக்கு எம் மனப்பூர்வமான நன்றிகளைத் தெரிவித்துக் கொள்கிறோம்.

அத்தோடு கூட தேவையுள்ளோர் அநேகர் எம் தேசத்தில் வாழ்கின்றதால் ஏழைகளின் வாழ்வில் ஒளியேற்ற உதவும் பேருள்ளங்களை அன்புடன் அழைக்கிறோம்.