கிளிநொச்சியில் 92 ஆவது இல்லம் பெறுநரிடம் வழங்கி வைக்கப்பட்டமை
ஜீவஊற்று அன்பின் கரத்தோடு கைகோர்த்து Mission Mail நிறுவனமானது தன்னுடைய முதலாவது இல்லத்தை நிர்மாணித்து வழங்கியுள்ளது. அந்தவகையில், இன்றைய நாளிலும் (22.02.2023) அன்பின் இல்லமானது பெறுநரிடம் வழங்கி வைக்கப்பட்டுள்ளது. இவ் இல்லமானது”ஜீவ ஊற்று அன்பின் கரம்” அமைப்பினுடைய 92 ஆவது இல்லமும் அதே சமயம் Mission Mail நிறுவனத்தின் 1 ஆவது இல்லம் என்பதும் குறிப்பிடத்தக்கது. இவ் இல்லமானது கிளிநொச்சி மாவட்டத்தில் தனித்து நின்று வாழும் பொருளாதாரத்தில் பின்தங்கியநிலையில் பல்வேறு இன்னல்களுடன் வாழ்ந்து வருகின்ற பெண்ணிற்கே வழங்கப்பட்டுள்ளது. இல்லத்திற்கான நிதி உதவியினை நெதர்லாந்து தேசத்தில் செயற்படுகின்றதான Mission Mail நிறுவனத்தினர்வழங்கியுள்ளனர். இவ் இல்லத்தினை அமைத்துக் கொடுப்பதற்கு சகல விதத்திலும் உதவிய அன்பு உறவுகளிற்கு எங்கள்நன்றிகளை தெரிவித்துக் கொள்கிறோம். வழங்கிய அதேவேளையில் தேவையுள்ளோர் அநேகர் எம் தேசத்தில் வாழ்வதால் உதவும் உள்ளம் படைத்தவர்கள் எம்மைதொடர்பு கொள்ளுமாறு அன்புடன் கேட்டுக் கொள்கின்றோம் நன்றி. Email – info@jeevaootru.org Web. – jeevaootru.org
