திருகோணமலை மாவட்ட பாட்டாளிபுரம் கிராமத்தில் 61 ஆவது இல்லம் வழங்கி வைக்கப்பட்டது

Jeevaootru

April 30, 2022

நிரந்தர வீடு கையளிப்பு, Trincomalee – திருகோணமலை

ஜீவஊற்று_அன்பின்_கரத்தினர் நாட்டின் அசாதாரண சூழ்நிலையிலும் அன்பின் இல்லங்களை மிக துரிதமாக அமைத்து வருகின்றனர். அந்தவகையில், இன்றைய நாளிலும் (30.04.2022) அன்பின் இல்லமானது பெறுநரிடம் வழங்கி வைக்கப்பட்டுள்ளது.

இவ் இல்லமானது ஜீவ ஊற்று அன்பின் கரம் அமைப்பினுடைய 61ஆவது இல்லமும் மக்கள் நல்வாழ்வு மையத்தின் 41 வது இல்லம் என்பது குறிப்பிடத்தக்கது.

இவ் இல்லமானது திருகோணமலை மாவட்டத்தில் பாட்டாளிபுரம் எனும் கிராமத்தில் பொருளாதாரத்தில் பின்தங்கிய நிலையில் பல்வேறு இன்னல்களுடன் வாழ்ந்து வருகின்ற குடும்பத்தினருக்கே வழங்கப்பட்டுள்ளது.

சுவிட்சர்லாந்து தேசத்தில் வசிக்கும் ஜீவஊற்று_அன்பின்_கரத்தினர் அசாதாரண சூழ்நிலையிலும் அன்பின் இல்லங்களை மிக துரிதமாக அமைத்து வருகின்றனர். அந்தவகையில், இவ் இல்லமானது
அமரத்துவம் அடைந்த இணுவிலைச்சேர்ந்த கந்தையா குமாரசாமி அவர்களின் நினைவாக சிங்கப்பூரில் வசிக்கும் அவர்களது பிள்ளைகளின் நிதியுதவியோடு வழங்கிவைக்கப்பட்டுள்ளது.

இவ் இல்லத்தினை அமைத்துக் கொடுப்பதற்கு சகல விதத்திலும் உதவிய அன்பு உறவுகளுக்கு எங்கள் நன்றிகளை தெரிவித்துக் கொள்கிறோம்.

அதேவேளையில் தேவையுள்ளோர் அநேகர் எம் தேசத்தில் வாழ்வதால் உதவும் உள்ளம் படைத்தவர்கள் எம்மை தொடர்பு கொள்ளுமாறு அன்புடன் கேட்டுக் கொள்கின்றோம்

இவ் இல்லத்திற்கான நிதியை கனடாவில் வாழ்கின்ற தமிழ்செல்வன் அண்ணன் ஏற்படுத்தி பெற்றுத்தந்திருந்தார்.

நன்றி.
Email – info@jeevaootru.org