SQM Foundation நிதி உதவியில் SPM Awards -2024
ஜீவ ஊற்று அன்பின் கரத்தோடு கைகோர்த்து தன்னுடைய மனிதநேய மிக்க பணிகளை ஆற்றி வருகின்ற கனடா தேசத்தில் செயற்பட்டுக் கொண்டிருக்கின்றதான SQM Foundation இனது ஸ்தாபகர் பாக்கியராஜ் கமலநாதன் அண்ணா அவர்களின் உன்னதமான நிதி பங்களிப்பில் வெற்றி விநாயகர் விளையாட்டு கழகத்தின் ஒழுங்குபடுத்தலில் SPM Awards 2024 கிழக்கிலங்கையில் மட்டக்களப்பு மாவட்டத்தில் தேற்றாத்தீவு கிராமத்தில் கடந்த 04.01.2024 அன்று இடம்பெற்றது.
இந்த நிகழ்வானது கடந்த 12 ஆண்டுகளாக தேற்றாத்தீவு கிராமத்தில் இடம்பெற்று வருகின்றமை குறிப்பிடத்தக்கது.
இந்த நிகழ்வில் தரம் 5 புலமைப் பரிசில் பரிட்சையில் சித்தியடைந்த மாணவர்கள் க.பொ. சாதாரண தரத்தில் உயர் பெறுபேறுகளை பெற்று சித்தி அடைந்த மாணவர்கள் மற்றும் க.பொ.உயர்தரத்தில் சித்தியடைந்து பல்கலைக்கழகத்திற்கு தெரிவாகிய மாணவர்கள் என்போர் பதக்கம் அணிவித்து கௌரவிக்கபட்டு அவர்களுக்குரிய பரிசில் பணத் தொகையும் வங்கியில் இடப்பட்டு வங்கிப் புத்தகம் கரங்களில் வழங்கப்பட்டன.
அது மாத்திரமின்றி வெற்றி விநாயகர் கல்வி நிலையத்தில் கல்வி கற்கின்ற மாணவர்களுக்கு தேவையான கற்றல் உபகரணங்களும், துவிச்சக்கர வண்டிகளும் வழங்கி வைக்கப்பட்டன .
இந்த உன்னதமான நிகழ்வில் SQM Foundation ஸ்தாபகர் பாக்யராஜ் கமலநாதன் அண்ணா மற்றும் அவருடைய மனைவியாரும் கலந்து சிறப்பித்து இருந்தமை இங்கு குறிப்பிடத்தக்கது.
Follow US
