மட்டக்களப்பு மாவட்டத்தில் 110 ஆவது இல்லத்திற்கு அடிக்கல் வைக்கப்பட்டது

Jeevaootru

February 1, 2023

Batticaloa - மட்டக்களப்பு, நிரந்தர வீடு கட்டுமானப்பணி

விடாது மழை பெய்தாலும் இடைவிடாமல் தொடர்கிறது எம் பணி. நாட்டு மக்களின் இயல்பு வாழ்க்கை பாதிக்கப்பட்டு வாழ்வதற்கே வழியின்றி தவிக்கின்ற போதிலும் ஜீவ ஊற்று அன்பின் கரம் அமைப்பானது தன்னுடைய உன்னதமான பணிகளை சிறப்பாக செய்து வருகின்றது. விசேடமாக நிரந்தர வீடின்றி அல்லலுறுகின்ற மக்களிற்கு நிரந்தர வீடுகளை நிர்மாணித்து கொடுத்து வருகின்றமை குறிப்பிடத்தக்கது.

அந்தவகையில் இன்றைய நாளிலும் (01.02.2023) ஜீவ ஊற்று அன்பின் கரத்தின் 110 ஆவது இல்லமும் அதேவேளை சகோதரன் நவநீதன் அவர்களின் 2 ஆவது இல்லத்திற்குமான அடிக்கல் வைக்கப்பட்டுள்ளது.

மட்டக்களப்பு மாவட்டத்தில் வவுனதீவு பிரதேசத்திற்குட்பட்ட நரிப்புல்தோட்டம் எனும் கிராமத்தில் பல்வேறு இன்னல்களுடன் வாழ்கின்ற குடும்பத்திற்கே வழங்கப்படவுள்ளது.

இவ் இல்லத்திற்கான நிதி உதவியினை அமரத்துவமடைந்த யசோதன் நினைவாக அமரர் அவர்களின் சகோதரன் நவநீதன் (சுவிற்சர்லாந்து) வழங்கியுள்ளார்.

இவ் மகத்தான உதவியினை நல்கிய நீதன் அவர்களுக்கு எம் மனப்பூர்வமான நன்றிகளைத் தெரிவித்துக் கொள்கிறோம்.

அத்தோடு கூட தேவையுள்ளோர் அநேகர் எம் தேசத்தில் வாழ்கின்றதால் ஏழைகளின் வாழ்வில் ஒளியேற்ற உதவும் பேருள்ளங்களை அன்புடன் அழைக்கிறோம்.

_நன்றி_

_JEEVAOOTRU trust_

Email_info@jeevaootru.org

Web_jeevaootru.org